Gistingarhús við Norðskála á skrá

Sunda kommuna hevur fingið fyrispurning um gistingarhús á miðstaðarøkinum við Norðskála.

Málið verður viðgjørt á býráðsfundinum í dag.

Byggisamtyktin hjá Sunda kommunu loyvir ikki slíkari bygging, so frávik má gerast frá byggisamtyktini, so gistingarhús kann byggjast á miðstaðarøkinum.

Tekniska nevnd hjá kommununi mælir einmælt býráðnum til at gera frávik og loyva gistingarhúsi og matstovuvirksemi.

Og vinnu- og umhvørvisnevndin tekur einmælt undir við teknisku nevnd.