Søguliga lítið arbeiðsloysi

Arbeiðsloysið í Føroyum er í løtuni søguliga lítið.

Nýggjasta uppgerðin hjá Hagstovuni vísir, at arbeiðsloysið í apríl var 0,9 prosent, svarandi til 256 fulltíðararbeiðsleys.

So lítið hevur arbeiðsloysið ikki verið síðani desember í 2019, sambært nýggjastu uppgerðini hjá stovninum.

Arbeiðsloysið er minkað støðugt seinastu árini. Tað vaks, tá ið korona kom, men arbeiðsloysið er síðani minkað aftur.

Søguliga hava tað ongantíð verið færri arbeiðsleys í Føroyum enn nú, so langt aftur, Hagstova Føroya hevur skrásett tølini.

Hagstovan hevur skrásett arbeiðsloysið síðani apríl 1995. Tá var arbeiðsloysið 14,9 prosent.

Fólk eru at meta sum arbeiðsleys, tá ið tey eru skrásett hjá Arbeiðsloysisskipanini og Almannaverkinum, og tey eru fult tøk at arbeiða og eru arbeiðssøkjandi.