Hasfjord enn á beding

Enn er ógreitt, nær strandfaraskipið, Hasfjord, aftur fer í sigling um Skopunarfjørð.

Hasfjord fekk eitt traktordekk um skrúvuna 10. mai, og skipið var eftir tað tikið úr siglingini, tí koblingin mátti skiftast.

Strandferðslan segði 15. juni, at skipið væntandi fór aftur í sigling áðrenn tríggjar vikur vórðu gingnar, og tað er í dag.

Jóhan Petur Abrahamsen, stjóri á Strandferðsluni, veit ikki, nær Hasfjord aftur kann sigla um Skopunarfjørð.

- Tá skipið er royndarsiglt, og klassin hevur góðkent umvælingina, kann skipið aftur setast í sigling, sigur hann.

Hasfjord hevur verið á beding hjá MEST í Havn síðani miðskeiðis í mai.