NM 2022 í amboðsfimleiki: Einki heiðursmerki hesa ferð

Tað rakk ikki til heiðursmerki hjá føroyska landsliðnum í amboðsfimleiki, sum hevur kappast í Norðurlendsku meistarakappingini.

Amboðsfimleikararnir kappaðust um vikuskiftið móti Íslandi, Danmark, Noregi, Svøríki og Finnlandi í Kópavogi í Íslandi.

Føroysku fimleikarnir komu í tríggjar finalur, og teir stóðu seg væl, hóast einki heiðursmerki kom til høldar, sigur Fimleikasambandið, sum fegnast um úrslitið og góðu gongdini í føroyskum fimleiki. 

Hóast tað ikki rakk til heiðursmerki hesa ferð, so sæst týðiligt, at føroyskur fimleikur er mentur nógv hesi seinastu árini. Tað eru vit í Fimleikasambandinum sjálvsagt sera fegin um, stendur í tíðindaskrivi frá felagnum. 

13 fólk vóru við á føroyska landsliðnum - sjey kvinnur og seks menn.