Undantaksstøða í Italia

Undantaksstøða í Italia
Álvarsligur turkur ger um seg í Italia. Í summum landspørtum hevur ikki regnað í fýra mánaðir, og undantaksstøða er lýst í Italia
Mynd: MASSIMO PINCA © Ritzau Scanpix  
 
08.07.2022 - 08:52

Hesar seinastu mánaðirnar hevur tað verið heitt og turt í Italia.

Fleiri ferðir hava hitastigini verið 40 stig ella meira, og samstundis hevur regnað minni enn vanligt. Sambært DR.dk er talan um versta turkin í 70 ár.

Turkurin er eisini orsøkin til, at ein ísjøkul smokkaði saman. Kavi, ísur og steinar skramblaðu oman eftir fjallasíðuni, og sjey fólk vóru dripin. Dagar áðrenn hendingina vóru 10 hitastig máld í 3.000 metra hædd við ísjøkulin. Tað er met nógv, sigur Antonella Sensese, granskari, við DR.dk.

Kavajøkul jøkul gletsjari

Caption: 
Ísjøkulin dagin eftir, at partar av jøkulinum smokkaðu saman. Mynd: Pierre Teyssot/AFP/Ritzau Scanpix

Ein stórur trupulleiki er, at áirnar í landinum missa meira og meira vatn. Po-áin, sum er longsta áin í Italia, hevur í støðum mist upp í 80% av vanliga vatninum. Vatnið úr ánni verður brúkt til bæði drekkivatn og til at vatna grøðina.

Tað verður mett, at ein triðingur av italska landbúnaðinum liggur við ánna. Tí eru fleiri landslutir eisini farnir at skamta við vatninum. Tað er millum annað ikki loyvi til at fylla sær svimjihylin ella vatna egnan garð, tí vatnið skal brúkast til landbúnaðargrøðina. 

Serfrøðingar eru á einum máli um, at verðurlagsbroytingar eru orsøkin til ógvusliga hitan og lítla regnið. 

- Hetta gerst meira og meira vanligt. at vit hava ógvusligan kulda og ógvusligan hita. Og tað hongur saman við veðurlagsbroytingum. Tað er sjálvsagt ein óheppin støða í Italia, sum stendst av nógvum ymsum ávum, men hetta koma vit at síggja alsamt meira í framtíðini, sigur Jørgen E. Olesen, professari við Aarhus Universitet, við DR.dk. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858