Illveður herjar á markinum millum Argentina og Kili

Yvir 400 fólk sita í løtuni føst í bilum á markinum millum Argentina og Kili. Orsøkin er illveður, sum brast á leygardagin, og nógvur kavi legðist, samstundis sum tað er kalt.

Talan er um bæði ferðafólk og um lastbilar, sum standa í 3.000 metra hædd, har tað er sera kalt.

Argentinsk bjargingarlið og herurin hava fingið 120 fólk úr hæddunum í Argentina, men har eru framvegis meir enn 200 fólk eftir, tað sama er kilensku megin.

- Tað er kalt, niður í minus 10 stig, og kavin er meir enn ein metur tjúkkur, sigur politiovastin í býnum Las Heras, Hector Tello, við kilenskar miðlar, skrivar Ritzau.

Illveðrið brast á leygardagin. Tað hevur elvt til, at vegirnir eru stongdir, sum eru ímillum londini, so minst 300 bilar hvørkir sleppa ein ella annan veg.

Arbeiðið at hjálpa fólkunum heldur fram í dag, sigur løgregluovastin.