Fólkatalið er nú oman fyri 54.000

Yvir 54.000 fólk eru nú í Føroyum. 1. juni búðu 54.000 fólk í Føroyum.

Síðani juni í fjør er fólkatalið vaksið 1,3 prosent. Tá fólkavøksturin byrjaði í 2013, lá fólkatalið um 48.000.

Fyri fimm árum síðani búðu 50.000 fólk í Føroyum.

Stóri fólkavøksturin er tó viknaður nakað seinastu mánaðirnar. 

Høvuðsorsøkin er, at færri børn eru fødd, og fleiri fólk eru deyð. Burðaravlopið seinasta árið er bara 162. Tað er farið niður í eina helvt av tí, tað var.

Men nettoflytingin er vaksin. Hon er 521 fólk.

Fólkatalið vaks mest í Tórshavnar kommunu, Klaksvíkar kommunu og Eysturkommunu.

Tað minkaði mest í Sands kommunu, Hvalbiar kommunu og Sørvágs kommunu.

Lutfalsligi størsti vøkstur er í Nes kommunu, Eiðis kommuna og Eysturkommuna.

Lutfalsliga størsta afturgongd er í Sands kommunu, Húsavíkar kommunu og Fámjins kommunu.