Oljulekin í Mykinesi verður kannaður

Oljulekin í Mykinesi verður kannaður
Politiið fer nú at gera avhoyringar í málinum um oljulekan og um ósamsvarið í fráboðanum um nøgdina av olju, sum rann á sjógv
Soleiðis sá út, eftir at oljan var farin á sjógv í Mykinesi
Mynd: Oda Vilhelmsdóttir Andreasen  
 
11.07.2022 - 14:11

Politiið kannar oljulekan, sum var í Mykinesi mikudagin.

Grønanes var í Mykinesi við olju til SEV, tá óhappið hendi. 

Í fyrstu fráboðanini, sum MRCC fekk, var sagt, at millum 40 og 48 litrar av gassolju vóru farnir á sjógv.

Men leygardagin upplýsti SEV fyri Sørvágs kommunu, at talan var um 10 ferðir so nógva olju  um 400 litrar.

Hóast óhappið hendi mikudagin, fingu MRCC og politiið ikki fráboðan um tað fyrr enn hósdagin seinnapart, tá sagt var, at koblingin á oljupumpuni var dottin av, og ein lítil nøgd av olju var farin á sjógv.

Politiið fer nú at gera avhoyringar í málinum um oljulekan og um ósamsvarið í fráboðanum um nøgdina av olju, sum rann á sjógv.

Tá politiið er liðugt við sínar kanningar, verður málið latið Umhvørvisstovuni, sum síðani ger av, hvat víðari hendir við málinum.

Eyð Ellingsgaard, borgarstjóri í Sørvágs Kommunu, segði við útvarpið leygardagin, at ókyrt hevði verið síðani oljulekan, og tí hevði ikki borið til hjá teimum at kanna skaðan av oljulekanum eftir fráboðanina hósdagin. Men leygardagin  tað er tríggjar dagar eftir óhappið  var onki at síggja til nakra olju ella dálkaðan fugl við Mykines, sum er RAMSAR-øki.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585