Forsetin flýddur úr Sri Lanka

Forsetin flýddur úr Sri Lanka
Nógvur ófríður er í Sri Lanka, og nú er forsetin í Sri Lanka, Gotabaya Rajapaksa, flýddur úr landinum við flogfari til Maldivurnar.
Eftir at forsetin flýddi, hava fólk gjørt innrás í forsetahúsini.
Mynd: Adnan Abidi/Reuters/Ritzau Scanpix  
 
13.07.2022 - 09:17

Forsetin í Sri Lanka, Gotabaya Rajapaksa, er flýddur úr landinum við flogfari og er farin til Maldivurnar. Tað skrivar AP.

Hann er, sambært keldum hjá AP, lendur í Maldivunum.

Ófriður hevur verið í Sri Lanka í fleiri vikur, og leygardagin gjørdist greitt, at forsetin og forsætisráðharrin leggja báðir frá sær. 

Forsetin hevur ikki verið alment at sæð og hevur heldur ikki tosað alment, síðani hann leygardagin boðaði frá, at hann tók avleiðingarnar av kravinum frá mótmælisfólkunum um, at hann skuldi leggja frá sær. 

Rajapaksa segði tá, at hann fór at leggja frá sær mikudagin, og tað er í dag. 

Keldur í Sri Lanka siga við AFP-tíðindastovuna, at forsetin er farin úr landinum. 

73 ára gamli forsetin, konan og lívverjin vóru við flogfarinum, sum í nátt fleyg úr altjóða flogvøllinum í Colombo, siga keldurnar.

Seinastu dagarnar hevur ljóðað, at Rajapaksa hevði ætlanir um at fara úr landinum, men at tað var ógreitt, hvar hann var.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435