Flyta minni til Russlands

Útflutningurin til Russlands er minkaður niður í næstan einki sambært tølunum hjá Hagstovuni.

Í mai var útflutt fyri 13 milliónir krónur. Hetta er fyri tað mesta olja og annað til russisk skip.

Í januar var útflutt fyri 227 milliónir krónur. Í februar, tá innrásin var í Ukraina tann 24., var útflutningurin 105 milliónir krónur.

Og útflutningurin er bara minkaður hvønn mánað síðani tá.

Útflutt var til Russlands fyri slakar 450 milliónir krónur í mai í fjør.