Tórsfest avlýst í ár

Tórsfest avlýst í ár
"Tórshavnar Ítróttarráð hevur ikki orku at skipa fyri Tórsfest í ár, og tí er tónleikatiltakið avlýst," sigur Harald Joensen, formaður í Tórshavnar Ítróttarráði
John Martin frá bólkinum Swedish House Mafia er millum altjóða nøvnini, ið hava framført á Tórsfest, sum er avlýst í ár
Mynd: Tórsfest á Facebook  
 
20.07.2022 - 14:02

Seinastu tvey árini hevur Tórsfest-tónleikatiltakið verið avlýst orsakað av koronufarstóttini.

Men nú koronuavmarkingarnar er burtur, og øll tey vanligu tónleikatiltøkini aftur verða hildin, so sæst einki til Tórsfest. 

Orsøkin er, at Tórsfest-tónleikatiltakið er avlýst í ár. 

Tórshavnar Ítróttarráð hevur seinastu árini skipað fyri Tórsfest, og har er Harald Joensen formaður. Hann greiðir soleiðis frá orsøkina til avlýsingina av Tórsfest. 

torsfest

Harald Joensen, formaður í Tórshavnar Ítróttarráði, útilokar ikki, at skipað verður fyri Tórsfest aftur í framtíðini. 

 

Gamla Ólavsøkukonsertin

Tórsfest er gamla Ólavsøkukonsertin, sum fyrstu ferð bleiv fyriskipað út á Skansanum í 1986. 

Konsertin hevur verið hildin ymsastaðni í Havn, millum annað á Skansanum, á Skálatrøð, í Tórsgøtu og í nøkur ár í Kommunuskúlagarðinum. 

Tey fyrstu árini var tað Føroya Undirhaldstónleikarafelag, FUT, sum fyriskipaði árligu konsertina, ið var eitt startskot til ólavsøkuna. Konsertin lá í byrjanini 27. juli, beint áðrenn ólavsøku.

Síðan 2012 hevur Tórshavnar ítróttarráð fyriskipað Ólavsøkukonsertina, og í 2014 broytti konsertin navn til Tórsfest, og flutti samstundis niðan á Vaglið í Havn.

Tórsfest-tónleikatiltakið hevur síðani eisini verið hildið síðsta leygarkvøld fyri ólavsøku.

  • 1986-87 á Skansanum
  • 1988-89 á Læraraskúlavøllinum á Frælsinum
  • 1990-91 við Kommandørhúsið úti við Strond (bleiv avlýst vegnað veður í 1991, og so flutt inn í Høllina á Hálsi dagin eftir.
  • 1992-93 við Pakkhúsið hjá Skipafelagnum á Eystaru bryggju
  • 1994-96 á Skálatrø
  • 1997-2007 í Kommunuskúlagarðinum
  • 2008-2010 í Mentanargøtuni, Tórsgøtu
  • 2011 á Skálatrø
  • 2012-13 í Mentanargøtuni, Tórsgøtu
  • 2014-19 á Vaglinum í Havn

 

 

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652