Grønur krani á Eystaru bryggju

"Hetta er eitt týdningarmikið stig á leiðini hjá okkum, at leggja um til grøna orku," Fróði Løksagarð, rakstrarleiðari hjá Faroe Ship.

Flutningsfelagið, Faroe Ship, tekur nú stig til at minka um útlátið, tí felagið hevur keypt ein el-drivnan krana, ið skal brúkast til lossingina á Eystaru Bryggju.

Krani, Faroe Ship

Nýggi, el-drivni kranin hjá felagnum er framleiddur í Íslandi, og hann lyftir 125 tons, sum er ávikavist 15 og 25 tons meira enn hiniar báðir kranarnir á bryggjuni.

Krani, Faroe Ship

Kranin er settur upp í vikuni, og tá ið hann er góðkendur, kann felagið byrja at brúka hann, og tað verður væntandi um vikuskiftið.