Løgtingið viðgera ólavsøkurøðu

Løgtingið var sett í gjár, og týsmorgunin klokkan 10 verður fyrsti vanligi tingfundurin í ólavsøkutingsetuni.

Á skránni er fyrst og fremst umrøðan av ólavsøkurøðuni hjá løgmanni.

Ólavsøkurøðan, ið formliga eitur “frágreiðing løgmans á ólavsøku” verður vanliga sæð sum eitt boð uppá, hvat arbeiðið hjá landsstýrinum og harvið eisini løgtinginum í stóran mun fer at snúgva seg um hesa komandi setuna.

Av tí sama kann orðaskiftið gerast bæði spent og drúgt.

Á tingfundinum týsdagin skal løgtingið eisini velja tveir limir og tveir varðalimir í Norðurlandaráðið, og so er framløga triðja punkt á skránni fyri tingfundin.

Ein tíma undan sjálvum tingfundinum verður annars fyrsti nevndarfundurin í hesi tingsetuni, og hann verður í Útnorðurráðnum.