- Tíðindi, mentan og ítróttur
Gera ikki meira við lekan úr setanarnevndini
Meira verður ikki gjørt við lekan úr setanarnevndini í sambandi við skúlastjórastarvið í Vestmanna skúla.
Mentamálaráðið hevur ikki kært avgerðina hjá politinum um ikki av ákæra nakran í málinum.
Tann avgerðin var tikin 21.juni. Kærast kundi til ríkisadvokatin. Kærufreistin var fýra vikur.
Michael Boolsen, fúti. (Mynd: Bjarni Árting Rubeksen)
Heldur ikki í rættinum
Michael Boolsen, fúti, sigur, at ikki ber til at prógva, hvør í setanarbókinum lak fyrst, og tí ber ikki til at ákæra nakran.
Málið hevði, sum sagt verður, ikki hildið í rættinum.
Mentamálaráðið meldaði, tí tað bleiv alment, hvør innstillingin var hjá setanarbólkinum.
Tann, sum fekk skúlastjórastarvið, var ikki innstillað sum nummar eitt.
Skrivaðu undir tagnarskyldu
Trý fólk vóru í setanarbólkinum. Fólk í einum slíkum setanarbólkini hava tagnarskyldu.
Øll í bólkinum skrivaðu undir tagnarskyldu.
At bróta tagnarskylduna er brot á revsilógina.