Harðskapur og stuldur á Ovastevnu

Løgreglan hevur havt nakað at gera í Nólsoy í nátt, men annars sigur løgreglan seg hava havt eitt friðarligt vikuskifti. 

Eitt fólk er skuldsett í tveimum málum. Annað málið er fyri harðskap, og í hinum málinum fyri hóttanir, og í tí málinum, sigur løgreglan, at tað møguliga eisini kemur ein skuldseting um harðskap.

Fyri lítlari løtu síðani, hevur politiið fingið eina fráboðan aftrat um harðskap í Nólsoy, sigur vakthavandi.

Løgreglan hevur givið tríggjar bøtur fyri brot á skilhaldsreglurnar, har atburðurin ikki hevur verið góður. 

Og so eru tvey fólk skuldsett fyri stuldur í sambandi við Ovastevnuna. Tey eru skuldsett fyri at stjala drykkjuvørur.