Taka sjúklingakærunevnd av

1. juli næsta ár verður psykiatriska sjúklingakærunevndin tikin av.

Kærustovnurin skal taka við virkseminum hjá nevndini.

Heilsumálaráðið leggur ríkislógartilmæli um hetta fyri løgtingið í hesi tingsetuni.

Málsøkið er danskt. Talan er um lógina um "tvang i psykiatrien".

Løgtingið samtykti lóg um Føroya kærustovn í november í fjør.

Hetta ger, at 11 kærunevndir og aðrar nevndir, sum Kærustovnurin er skrivstova hjá, verða tiknar av næstu tvey árini.

Ein kærunevnd, Fjølmiðlanevndin, verður flutt.