Royndarsigla nú Herjólf III

Herjólfur III er nú endiliga klárur at sigla.

Seint seinnapartin í gjár fekk Herjólfur III endaliga siglingarloyvið. Hann fór royndarsigling í gjárkvøldið.

Klokkan hálvgum sjey í morgun fór Herjólfur III av Havnini á Krambatanga. 

Har skulu seinastu fyrireikingarnar gerast, áðrenn skipið fer í sigling leygarmorgunin.

Tekur 385 ferðafólk

Herjólfur III hevur fingið loyvi til 385 ferðafólk. 

Hetta er nakað minni enn ferðafólkaloyvið, hann hevði úr Íslandi. Í Íslandi slapp hann at flyta 481 ferðafólk.

Orsøkin er millum annað, at pláss skal vera fyri tveimum manningum, so skipið kann røkja náttarsigling. 

Á heimasíðuni ssl.fo eru nógvar upplýsingar um farmaflutningin á suðuroyarleiðini, tá Herjólfur III fer at sigla har fyri Smyril.