Bjargaðu rógvararnir eru nú á veg til Rotterdam

19.08.2022 - 09:17
AktueltSamfelag
Bjargaðu rógvararnir eru nú á veg til Rotterdam
Farmaskipið Nordic Qinngua bjargaði monnunum, sum róku fyri vág og vind í illveðri vestan fyri Írland
Rógvararnir róku fyri vág og vind í gummibjargingarbáti í fleiri tímar, áðrenn teir vóru bjargaðir.
Mynd: MRCC  
 

Teir báðir føroysku rógvararnir, sum farmaskipið Nordic Qinngua bjargaði vestan fyri Írland í gjár, eru nú á veg til Rotterdam í Hollandi.

Nordic Qinngua verður væntandi í Rotterdam mánadagin, sigur MRCC Tórshavn.

Báturin Guðrun, sum rógvararnir róðu í úr USA til Føroya, fekk ein sjógv tíðliga í gjáramorgunin. Báturin fekk so stóran skaða, at menninir avgjørdu at fara av bátinum í bjargingarbátin. Teir vóru í flótidrakt, og høvdu mat og neyðsendara við sær.

Illveður var á leiðini, og bjargingarbáturin rak fyri vág og vind í fleiri tímar, meðan bíðað var eftir hjálp. 

Stutt fyri klokkan 15 í gjár bjargaði farmaskipið Nordic Qinngua báðum monnunum.

 

Nordic Qinngua, sum bjargaði báðum rógvarunum. (Mynd: Maritima Optima)

 

Báturin Guðrun fekk ein stóran sjógv í gjáramorgunin, og rógvararnir avgjørdu at fara í gummibjargingarbátin. (Mynd: Sosialurin)

 

Stór alda og 17 m/s

MRCC sigur, at líkindini vóru vánalig. Aldan var seks metrar høg, og vindferðin var umleið 17 metrar um sekundið. 

Nordic Qinngua er stórt skip. Tað er meira enn 200 metrar langt og 40 metrar breitt, men skipið fekk bjargað báðum monnunum. hóast støðan stundum var hættislig, sigur MRCC.

Eitt bretskt flogfar var eisini á leiðini og stuðlaði í sambandi við bjargingina. 

Hjá báðum rógvarunum visti væl við eftir umstøðunum, tá teir vóru bjargaðir. 

Nordic Qinngua er nú á veg til Rotterdam, hagar skipið er væntandi mánadagin. 

 

Stutt fyri klokkan 15 í gjár vóru báðir rógvararnir bjargaðir. (Mynd: MRCC)

Er kopiera

Sí eisini

Nýggjastu sendingar í ÚV
Mánadag 6. februar
Norðurljóð 6.februar 2023
152034
Mánadag 6. februar
Jambalaja - nýútgávur
152061
Mánadag 6. februar
Røðari er gamalt orð fyri rógvara
152029
Nýggjastu sendingar í SV
Sunnudag 5. februar
Andakt við Niels Paula Nónstein
151993
Sunnudag 5. februar
Møti umborð á Bakkafossi
151995
Leygardag 4. februar
Ítróttafagnaðurin 2022
151988
Hósdag 2. februar
Foytar greyðir (2:3)
151840
Týsdag 31. januar
Jørðin II: Oyggjar (1:6)
119181