- Tíðindi, mentan og ítróttur
Helvtin av ullini fór til Onglands
Helvtin av ullini fór til Onglands
Meginparturin av ullini í fjør var fyrsti flokkur
Ullarmóttøkan á Búnaðarstovuni hevur fingið umleið 30 tons av ull í ár, og nú verður søkt eftir fólki at skilja og pakka ullina.
23.08.2022 - 08:41
Helvtin av ullini, sum Búnaðarstovan fekk í fjør, var seld til Onglands.
Ullarmóttøkan lýsti 22,8 tons til sølu hálvan oktober í fjør. Nógv tað mesta, okkurt um 20 tons, var fyrsti flokkur.
Tey, sum vildu keypa ullina, kundu bjóða upp á hana.
Búnaðarstovan miðaði eftir einum minstaprísi, sum er 8,00 kr. fyri kilo í fyrsta flokki, og 2,00 kr. fyri kilo í øðrum flokki, umframt meirvirðisgjald.
Tá avtornaði, fór helvtin av ullini til Onglands.
Í ár fekk ullarmóttøkan hjá Búnaðarstovuni 30 tons av ull.
Búnaðarstovan søkir nú eftir fólki at skilja og pakka ullina.
Er kopiera
Nýggjastu sendingar í ÚV
Nýggjastu sendingar í SV
