Seks skip við korni úr Ukraina

Arbeiðið við at flyta korn úr Ukraina heldur fram, og í morgun fóru seks farmaskip við korni úr Ukraina, upplýsir turkiska verjumálaráðið.

Higartil eru um 30 skip farin við korni úr Ukraina, eftir at Ukraina og Rusland, fyrst í august gjørdu eina avtalu við ST og Turkaland, sum skal tryggja, at korn verður flutt úr goymslunum við Svartahavið.

Stórar nøgdir av korni hava ligið leingi í Ukraina, og tað hevur havt við sær, at prísurin á matvørum er hækkaður nógv, og nógv fólk líða hungur.

Hóast yvir ein millión tons av korni er flutt úr Ukraina í august, so er framvegis ikki pláss at goyma kornið, tá bøndurnir fara at heysta, skrivar DR.