Tveir bátar motorskaða í gjár

Tveir bátar steðgaðu upp seinnapartin í gjár, og máttu sleipast til lands aftur. Tað skrivar Vørn.

Annar var norðan fyri Fugloynna. Hann fekk hjálp frá bjargingarbátinum Ziska og var sleipaður inn í Hvannasund.

Hin báturin var norðan fyri Risan og Kellingina, tá ið hann steðgaði upp. Hann fekk hjálp frá Rescue Vón og var sleipaður til Haldórsvókar.