Ikki skynsamt at eggja fólki at ansa børnum heima

Ikki skynsamt at eggja fólki at ansa børnum heima
Skipanir eiga ikki at eggja fólki til at fara av føroyska arbeiðsmarknaðinum, sigur Búskaparráðið
Búskaparráðið ávarar móti at lata pengar fyri barnaansing fylgja barninum. (Savnsmynd)
 
02.09.2022 - 08:20

Búskaparráðið ávarar móti at lata pengar fyri barnaansing fylgja barninum.

Tað er ikki skynsamt, tí tað kann eggja fólki til at fara heim at ansa børnum í staðin fyri at vera á arbeiðsmarknaðinum.

Í løtuni er trupult at fáa skikkaða arbeiðsmegi til dagstovnar og til almannaverkið og sjúkrahúsverkið.

Í hesum sambandi er ikki skynsamt at koma við lóg, sum letur peningin fyri barnaansing fylgja barninum. 

Uppskotið kann møguliga eggja fólki til at fara heim at ansa børnum í staðin fyri at vera á arbeiðsmarknaðinum, sigur Búskaðarráðið.

Tað er ikki mett at vera haldbart, tá trot er á arbeiðsmegi.

 

Byggivinnan hevur enn avbjóðingar við at fáa fólk, sigur Búskaparráðið. (Mynd: Bjarni Árting Rubeksen)

 

Eiga at strika skattafrádrátt

Og trotið verður størri í framtíðini, tá fleiri eldri fólk vera samanborið við fólk í arbeiðsførum aldri.

Skipanir eiga ikki at eggja fólki til at fara av føroyska arbeiðsmarknaðinum, sigur Búskaparráðið.

Byggivinnan hevur enn avbjóðingar við at fáa fólk. 

Fyri at bøta um hesa avbjóðing er upplagt, at landið strikar frádráttin í skattinum, sum føroyingar, sum arbeiða uttanlands, fáa. 

Hetta fyri at stimbra føroyingar at koma aftur til Føroya at arbeiða, sigur Búskaparráðið.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565