260 fleiri løntakarar í ár

1. august vóru umleið 27.600 løntakarar  Føroyum, ella 260 fleiri enn somu tíð í fjør, vísa tøl hjá Hagstovuni.

Vøksturin er eitt prosent.

Í august vóru 14.000 menn og 13.500 kvinnur løntakarar, 130 fleiri menn og 130 fleiri kvinnur enn somu tíð í fjør. 

10.000 fólk starvast í almenna geiranum, og 9.300 eru í privatum tænastuvinnum. 

Alsamt størri partur av løntakarunum hevur annan enn danskan ríkisborgaraskap. Í august høvdu 6,3 prosent av løntakarunum annan enn danskan ríkisborgaraskap. Í august í fjør var parturin fimm prosent. Fyri tíggju árum síðani høvdu 2,4 prosent av løntakarunum annan ríkisborgaraskap enn danskan.

Meginparturin starvast  í fiskavøruídnaðinum, á gistingarhúsum og matstovum, ali- og kryvjivirkjum umframt húsarhaldstænastur.

Seinasta árið er talið á løntakarum úr øðrum londum enn Evropa vaksið, og er nú 3,2 prosent. 

Somu tíð í fjør var talið 2,3 prosent.