Posta fór við miðlastuðlinum

Kanska hava privatu miðlarnir ikki dugað nóg væl at umstillað seg til nýggjar tíðir, nýggjar miðlar og harvið nýggjar vanar, ásannar Eirikur Lindenskov. Sosialurin átti fyrsta føroyska internetmiðilin, Internet Sosialin, ið varð stovnaður í 1997. Tá bar til at røkka føroyingum uttanlands, sum blaðið annars hevði mist vegna hækkaðu postgjøldini hjá almenna Posta. Í ár 2000 fór Sosialurin undir at skriva tíðindi á portal.fo og seinni á in.fo, har blaðið eisini fekk inntøkur frá lýsingum. Lýsingamøguleikarnir vóru tá góðir, men av tí at eingin politiskur leistur var funnin at fíggja Kringvarpið, gjørdist Kringvarpið beinleiðis kappingarneyti hjá privatu miðlunum: 

Sambært Eiriki batnaði støðan, tá Mentamálaráðið umskipaði innkrevjing av kringvarpsgjaldinum. Kringvarpið misti lýsingainntøkurnar, sum fóru í landskassan, og samstundis var miðlastuðulsskipanin sett í verk, har privatu miðlarnir fingu miðlastuðul. Um sama mundið setti Posta tó prísin fyri útbering upp, og allur miðlastuðulin, sum privatu miðlarnir fingu, fór til hækkaðu útreiðslurnar í hesum sambandi: 

Miðlastuðulsskipanin má broytast

Lógin um miðlastuðul eigur at verða endurmett og fjølmiðlasemja gjørd, sigur Eirikur Lindenskov. Um ikki, er váðin, at føroysku miðlarnir, sum skriva føroysk tíðindi í Føroyum, kámast burtur, og útlendsku miðlarnir fara at ráða:

Øll framløgan hjá Eiriki Lindenskov er niðanfyri: