Eingin peningur at asfaltera landsvegir

Sjálvt um vegurin millum Fuglafjørð og Norðragøtu er á raðfestingarlistanum hjá Landsverki, er óvist, nær hann verður asfalteraður. 

Sum er, er eingin peningur settur av til at asfaltera vegir, sigur Árni Jacobsen, økisleiðari fyri norðurøkið hjá Landsverki.

Vegurin er til so stóran ampa hjá teimum, sum búgva og virka í økinum, at hann í farnu viku fekk tveir politikarar at seta seg við knappaborðini.

Eyðun á Lakjuni, býráðslimur í Fuglafjarðar kommunu, spurdi í lesarabrævi, hvat Landsverk ætlar við vegnum, og Edva Jacobsen, tingkvinna fyri Sambandsflokkin, hevur spurt Una Rasmussen, landsstýrismann í fíggjarmálum, nær vegurin verður asfalteraður. 

Hoyr innslag í útvarpstíðindunum: