Kanna nú eldsbrunan í Havn

Eldurin í einum sethúsum í J.H. Schrøtersgøtu í Havn fríggjadagin skal kannast neyvari.

Tí er málið latið kanningardeildini hjá løgregluni, sum skal taka sær av tí partinum.

Ein kvinna var í húsunum, tá eldur kom í. Hon var kannað á Landssjúkrahúsinum.

Skaðar, sum stava frá eldinum á aðrar ognir enn sjálvi sethúsini, er eitt mál fyri tryggingina at taka sær av, verður upplýst á politistøðini.

Eingin sleppur inn í húsini, fyrr enn tey eru kannað, sigur løgreglan.