- Tíðindi, mentan og ítróttur
Hava staðfest ein gassleka aftrat
Hava staðfest ein gassleka aftrat
Fjórði lekin er millum teir báðar lekarnar á Nord Stream 1, men stavar frá Nord Stream 2
Ongar broytingar eru gjørdar í tilmælum, eftir at fjórði lekin er funnin, skriva svenskir miðlar.
Mynd: Ritzau Scanpix
29.09.2022 - 09:12
Svenska sjóverjan boðar frá, at ein gassleki aftrat er funnin á gassleiðingunum, Nordstream 1 og 2 í Eystrasalti.
Tað skrivar Svenska Dagbladet.
Fjórði lekin hevur verið síðani týsdagin, skriva svenskir miðlar.
Svenska sjóverjan upplýsir, at fjórði lekin er ímillum teir báðar lekarnar á Nord Stream 1, men stavar frá Nord Stream 2, sum er við síðuna av.
Ongar broytingar eru gjørdar í tilmælum, eftir at fjórði lekin er funnin, skriva bløðini.
Anne Tønnes er politiovasti í Keypmannahavn. (Mynd: Ritzau Scanpix)
Tað verður danska løgreglan sum skal standa fyri at kanna gasslekarnar í Eystrasalti, og hvussu tað bar til, at teir vórðu staðfestir.
Tað boðaði politiovastin í Keypmannahavn, Anne Tønnes frá í gjár:
29092022_Gassleki_i_svenskum_sjogvi
Er kopiera
Nýggjastu sendingar í ÚV
Nýggjastu sendingar í SV
