- Tíðindi, mentan og ítróttur
Stórhøllin verður liðug í 2025
Stórhøllin verður liðug í 2025
Articon skal byggja høllina, og sáttmáli er gjørdur um heildararbeiðstøku fyri 249 mió. kr.
Tá skrivað var undir sáttmálan um stórhøllina fyrrapartin. Heðin Mortensen, borgarstjóri, og Jón Sigurdsson, stjóri í Articon.
Mynd: Tórshavnar kommuna
29.09.2022 - 15:09
Stórhøllin Føroya Arena stendur liðug í januar 2025
Tað boðar Tórshavnar kommuna frá í dag.
Byggisáttmálin um stórhøllina var undirskrivaður í morgun. Talan er um heildararbeiðstøkusáttmála millum sjálvsognarstovnin Føroya Arena og Articon um at byggja høllina fyri 243 miljónir krónur.
Sambært tíðarætlanini skal Føroya Arena standa liðug í januar 2025.
Føroya Arena skal vera liðug í 2025.
Frá landsdysti til samfelagsmøti
Talan er um ein bygning, sum kann broytast, soleiðis at tað er lætt og skjótt at broyta uppseting frá venjingarhøll til landsdyst, konsert ella samfelagsmøti.
Tað skal bera til hava fulla venjingarhøll hóskvøld, A-landsdyst í hondbólti fríggjakvøld, stóra konsert leygarkvøld og samfelagsmøti sunnudag, sigur Tórshavnar kommuna.
Til hondbóltsdystir vera umleið 2700 sitipláss, til konsertir umleið 3600 sitipláss ella 4600 standipláss.
Er kopiera
Nýggjastu sendingar í ÚV
Nýggjastu sendingar í SV
