Vit eru á trygdarpolitiskum vegamóti

Hóttanarmyndin í heiminum er broytt, og fer bæði á trygdar- og verjuøkinum at hava við sær stórar og daprar tvístøður.

Tað er niðurstøðan í stórari frágreiðing, sum varð handað Mette Frederiksen, forsætisráðharra, í dag.

Svein Magnason, fulltrúi í Uttanríkis- og mentamálaráðnum, hevur umboðað Føroyar í verjupolitiska greiningarbólkinum, sum hevur skrivað frágreiðingina. 

Joe Biden og Ursula von der Leyen - Mynd: Ritzau Scanpix

Amerikanski forsetin, Joe Biden, og Ursula von der Leyen, forkvinna í ES-nevndini. Verjupolitiska greiningarnevndin sigur, at USA raðfestir øðrvísi nú, og hevur ikki longur so stórt fokus á Evropa.(Mynd: Ritzau Scanpix)

Valdsjavnvágin broytt

Hann sigur, at at vit eru á trygdarpolitiskum vegamóti. Valdsjavnvágin seinastu 30 árini er broytt.

USA hevur verið einaráðandi stórveldi, og hevur sett dagsskránna á nærum øllum økjum.

Seinastu árini er hetta broytt grundleggjandi. Fleiri bjóða USA av sum stórveldi í heimssamfelagnum, og USA raðfestir eisini øðrvísi nú. 

Hoyr samrøðu við Svein Magnason í útvarpstíðindunum: