Merkel fær Nansen-heiðurslønina

ST-hákommisserurin fyri flóttafólk kunngjørdi í dag, at fyrrverandi týski samveldiskanslarin, Angela Merkel, fær Nansen-heiðurslønina í ár. 

Tá ið Angela Merkal var kanslari, tók Týskland í 2015 og 2016 ímóti meira enn 1,2 milliónum flóttafólkum og fólkum, sum bóðu um friðskjól.

Heiðurslønin er uppkallað eftir norska rannsóknarfaranum, vísindamanninum, diplomatinum og neyðhjálpaarbeiðaranum, Frdtjof Nansen. 

Heiðurslønin verður latin á hvørjum ári til eitt fólk, bólk ella felagsskap, sum meira enn vanligt hevur útint nakað,  ið væntandi kann verja flóttafólk, fólk, sum flýggja í egnum landi, ella fólk, sum ongan ríkisborgaraskap hava.