Kannabis: Biden gevur amerikanarum grið

Amerikanski forsetin, Joe Biden, boðar frá á Twitter, at hann fer at náa teir amerikanarar, sum eru tiknir fyri at hava havt smærri nøgdir av kannabis uppi á sær.

- Fleiri túsund fólk, sum áður eru dømd fyri smærri brot á rúsevnislógina, uppliva, at tey verða noktað arbeiði, bústað ella útbúgving. Við at náa hesi, taka vit hesa byrðu av teirra herðum, skrivar Joe Biden.

Øll tey, sum eru dømd í býarrætti síðani í 70-árinum, tá kannabis bleiv ólógligt, verða náað. Er talan um dóm í hægri rætti, sleppa tey ikki upp í part.