Russisk fiskiskip vera kannað

Frá 24.februar til 29.september í ár hevur Vørn kannað russisk fiskiskip 10 ferðir til havs og 10 ferðir við bryggju í Føroyum.

Tað sigur Árni Skaale, landsstýrismaður, í svari til Bjarna Hammer, løgtingsmann, sum spurdi um eftilit við russiskum fiskiskipum, bæði tá tey fiska og umskipa.

Vørn sigur einki tala fyri, at russisk skip lata skeivar ella villleiðandi upplýsingar.

Í 2019, áðrenn korona kom, vóru 14 russisk skip kannað til havs. Í 2020 og 2021 vóru russisk skip at kalla ikki kannað.

16 ferðir vóru russisk skip, sum umskipaðu ella uppskipaðu við bryggju, kannað, svarar Árni Skaale.