Tvær kommunur arbeiða saman um eldraráð

Býráðini í Fuglafirði og í Eysturkommunu hava samtykt at skipa eitt felags eldraráð.

Ráðið skal veljast 22.november.

Fyrsta valskeiðið verður frá 1.januar 2023 til 31.desember 2024. Ætlanin er, at eldraráðið skal veljast á kommunuvali. Og tað verður í 2024.

Frestin at stilla upp til eldraráðsvalið er 24.oktober kl.18.00.

Fólk, sum eru 60 ár ella eldri valdagin, kunnu stilla upp.

Trý fólk skulu veljast fyri hvørja kommunu. 

Endamálið hjá eldraráðnum í Fuglafirði og í Eysturkommunu er at geva kommununum og Nánd ráð um eldrapolitikk og taka sær av samskiftinum millum fólk og kommunurnar.