Givin at leita eftir horvnari kvinnu

Givið er at leita eftir útlendsku kvinnuni, sum hvarv við Trælanípuna, Teistarók ella Rivurnar fríggjamorgunin.

"Enn er ikki greitt, hvat er hent kvinnuni," sigur Rúni Vesturklett, vaktleiðari á løgreglustøðini í Havn.

Leitað hevur verið við báti, tyrlu og dronum, og bjargingarlið og løgreglufólk við hundum hava leitað á landi. 

Leiting, Trælanípan, Trælanípa

Kvinnan skal vera farin í hagan saman við manni sínum um hálvgum sjey tíðina fyri at síggja sólina rísa.

Um 10 tíðina boðaði maðurin frá, at kona sín var horvin, og so fór stór leiting í gongd.

Leiting, Trælanípan, Trælanípa

Í slíkum málum arbeiðir løgreglan altíð við fýra møguleikum: 

- At kvinnan doyði av nátúrligum orsøkum
- at talan er um vanlukku
- at kvinnan hevur tikið seg av døgum
- ella at onkur hevur gjørt av við hana.

Men einki er útilokað enn, sigur Rúni Vesturklett, vaktleiðari á løgreglustøðini í Havn. 

Leiting, Trælanípan, Trælanípa

Kanningararbeiðið heldur fram eina tíð aftrat til løgreglan hevur gjørt sær ein mynd av, hvat er hent, sigur Rúni Vesturklett, vaktleiðari á løgreglustøðini í Havn.