Valsendingarnar í Kringvarpi Føroya byrja nú

Um KVF›Tíðindi
Valsendingarnar í Kringvarpi Føroya byrja nú
Fólkatingsvalið í Føroyum verður mánadagin 31. oktober, og í dag, hósdagin 13. oktober, byrja valsendingarnar í Kringvarpinum
 
13-10-2022

Valfepurin hækkar alsamt, og valsendingarnar í Kringvarpi Føroya fara av bakkastokki í dag. 

Byrjað verður við Andglettinum, sum verður sendur í útvarpinum klokkan 10, stroymdur á heimasíðuni og eisini at síggja í sjónvarpinum.

Myndir: Bjarni Árting Rubeksen

Tveir vertir tráspyrja tvey valevni hvørja ferð.

Fyrsti flokkur í Andglettinum er Framsókn.

Valfundir kring landið

Umframt Andglettin, so fer Kringvarpið eisini kring landið at halda valfundir. 

Aðru hvørja ferð er Andglettur, og aðru hvørja ferð valfundur.

Valfundirnir byrja í SMS nú fríggjadagin 14. oktober. Síðani verður farið út á miðnámsskúlarnar.

Valfundirnir byrja klokkan 10 í útvarpinum, og teir verða eisini stroymdir eins og Andgletturin.

Stóri valfundurin í Løkshøll

Sunnukvøldið 30. oktober, ein dag undan valinum, verður stórur valfundur í Løkshøll. Hetta er ein størri sjónvarpsframleiða, har fleiri valevni sleppa framat. Tann fundurin varar í umleið tveir tímar og verður sendur beinleiðis í sjónvarpinum.

Tann stóri dagurin er mánadagurin 31. oktober, valdagurin. Tá fylgja vit við í sjónvarpsstovuni, har vit hava tveir vertir og viðmerkjara. Vit fara eisini at gera innsløg kring landið. Vit halda á, til valúrslitið fyriliggur.

Skráin fyri valsendingar í Kringvarpinum:

  • Hósdag 13. oktober: Framsókn í Andglettinum
  • Fríggjadag 14. oktober: Valfundur, SMS í Havn
     
  • Mánadag 17. oktober: Javnaðarflokkurin í Andglettinum
  • Týsdag 18. oktober: Valfundur, Miðnám í Suðri
  • Mikudag 19. oktober: Fólkaflokkurin í Andglettinum
  • Hósdag 20. oktober: Valfundur, Miðnám á Kambsdali
  • Fríggjadag 21. oktober: Tjóðveldi í Andglettinum
     
  • Mánadag 24. oktober: Valfundur, Miðnám í Vestmanna
  • Týsdag 25. oktober: Miðflokkurin í Andglettinum
  • Mikudag 26. oktober: Valfundur, Tekniski Skúli í Klaksvík
  • Hósdag 27. oktober: Sambandsflokkurin í Andglettinum
  • Fríggjadag 28. oktober: Valfundur, Glasir í Havn
     
  • Sunnudagur 30. oktober: Stórur valfundur í Løkshøll í Runavík.
  • Mánadagur 31. oktober: Fólkatingsval í Føroyum
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592

Um kvf css