Sunak tilnevnt ráðharrar

Bretski forsætisráðharrin, Rishi Sunak, hevur tilnevnt teir flestu limirnar í nýggju stjórnini, kunngjørdi hann sjálvur í gjárkvøldið.

Dominic Raab er tilnevndur løgmálaráðharri. Tað er hann, hóast hann ikki hevur verið ráðharri, síðani Boris Johnson legði frá sær.

Jeremy Hunt heldur fram sum fíggjarmálaráðharri, og Suella Braverman er aftur innanríkisráðharri, eftir at hon mátti gevast í starvinum fyri einari viku síðani.

Suella Braverman

Suella Braverman er aftur innanríkisráðharri. (Mynd: Ritzau Scanpix)

Ben Wallace er verjumálaráðharri, og tað var hann bæði undir Boris Johnson og Liz Truss.

Millum ráðharrarnar, sum ikki halda fram, er Jacob Rees-Mogg, sum var ídnaðarráðharri í undanfarnu stjórnini.