70 eigaraíbúðir í Nes kommunu

Nes kommuna og smápartafelagið Skákið hava skrivað undir sáttmála um at byggja 70 eigaraíbúðir í ymsum støddum.

Fyri Nes kommunu undirskrivaði Súni í Hjøllum, borgarstjóri, og fyri Skákið Høgni Petersen, stjóri.

Íbúðir í Nes kommunu

Soleiðis fara eigaraíbúðirnar í Nes kommunu at síggja út.

Í summar bjóðaði Nes kommuna út eitt lendi við Regnavegin, beint sunnan fyri Svangaskarð, sum er umleið 8.800 fermetrar.

Smápartafelagið Skákið vísti áhuga, og eftir samráðingar gjørdist greitt, at felagið vildi keypa lendið til íbúðarbygging og byggja upp til 70 íbúðir í økinum.

Eftir ætlan skulu íbúðirnar standa lidnar, áðrenn trý ár eru umliðin.

Meiri verður at frætta í útvarpstíðindunum klokkan 18.