491 heimleys í Grønlandi

Nærum ein av hundrað grønlendingum er heimleysur, og tá eru allir aldursbólkar taldir við.

- Trupulleikin við heimleysum í Grønlandi eigur nú veruliga at koma á politiska breddan, sigur Steven Arnfjord, sum er ein av granskarunum, ið hava gjørt fyrstu stóru kanningina av støðuni hjá heimleysum, við KNR.

Kanningin vísir, at 491 fólk vóru heimleys, tá talt varð upp fyrr í ár - 356 menn og 135 er kvinnur.

Skuggaheimleys

293 av teimum vóru skugga-heimleys, sum granskararnir rópa tað. Hetta eru fólk, sum gista hjá vinfólki og familju.  

183 eru sjónliga heimleys. Hesi liva antin á gøtuni, í trappuuppgongdum, í gomlum húsum ella bygningum, sum standa tómir, ella á herbergi.

Ógreitt er, hvørja støðu tey seinastu 15 fólkini í uppgerðini hava, men tey eru eisini heimleys og hava onga fasta adressu.

343 heimleys eru millum 30 og 60 ár. 80 fólk eru millum 18 og 29, og 68 eru yvir 60 ár, skrivar KNR.