Selja Dansistovuna í Sørvági

Dansistovan í Sørvági er til sølu.

Talan er um grundøki og Dansistovuna, 862 fermetrar.

Kommunan sigur, at dansistovan er í ringum standi.

Bygdaráðið samtykti at selja Dansistovuna á fundi 28.september.

Kommunan setir sum treyt, at bygningurin uttan verður høvuðsumvældur innan tvey ár. 

Kann krevja bygningin aftur

Verður hendan treytin ikki hildin, kann kommunan krevja, at hon fær Dansistovuna aftur.

Á ognina er lýstur servituttur, sum sigur, at økið bara er ætlað til kvikmynda- og dansihøll 

Kommunustýrið samtykti í 2007 at víðka servituttin til eisini at fevna um matstovu- og frítíðarvirksemi og at skeinkiloyvi kann útvegast.

Freistin at koma við boði upp á Dansistovuna er 28.november.