Beinta Løwe ikki á valevnislistanum

Beinta Løwe ikki á valevnislistanum
Á seinasta løgtingsvali fekk Beinta Løwe tilsamans 301 atkvøðu
Beinta Løwe hevur verið løgtingskvinna seinasta valskeiðið, men hon er ikki at finna á nøkrum valevnislista, sum Tjóðveldi higartil hevur kunngjørt til løgtingsvalið 8. desember.
Mynd: Bjarni Árting Rubeksen  
 
15.11.2022 - 11:39

Beinta Løwe, sum var toppskorari hjá Tjóðveldi í Norðoyggjum á síðsta løgtingsvali, er ikki á listanum, nú Norðoya Tjóðveldisfelag hevur kunngjørt valevnini. 

Beinta Løwe fekk 102 atkvøður í Klaksvík og 301 atkvøðu um alt landið. Og tað rakk til eitt fimta pláss á listanum. Sostatt varð hon vald á ting fyrstu ferð, hon bjóðaði seg fram. 

Tí hevur eisini verið væntað, at Beinta Løwe fór at stilla upp aftur, men nú Norðoya Tjóðveldisfelag kunngjørdi listan yvir valevni, er hon ikki millum tey fýra, sum stilla upp. Hon er heldur ikki á listanum hjá Suðurstreymoyar Tjóðveldisfelag ella øðrum lokalfelagi hjá Tjóðveldi.

 

Hevur onga viðmerking

Kringvarpið hevur tosað við Beinta Løwe, men hon sigur seg ikki hava nakra viðmerking.

Sum Kringvarpið skilir, vil felagið fegið hava hana á listan, men tað er hennara egna avgerð ikki at stilla upp. 

Tað er kortini ikki útilokað, at hon stillar upp, tí í tíðindaskrivinum um valevni skrivar lokalfelagið í Norðoyggjum, at uppstillingarfundurin gav nevndini í Norðoya Tjóðveldisfelag heimild at stilla eitt valevni upp aftrat, um nevndin ynskir tað.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435