Føroyskt tiltak á COP27

Í dag kl. 12.30 verður eitt føroyskt tiltak á veðurlagsráðstevnuni, COP27, í Sharm el Sheik í Egyptalandi.

Tað eru Sigga Jacobsen og Jóna Ólavsdóttir frá Umhvørvisstovuni, sum saman við øðrum skipa fyri tiltakinum, sum hevur til endamáls at vísa á, hvussu vit innrætta okkum í samljóði við náttúruna.

Tað kann millum annað gerast við at brúka tey amboð, sum náttúran longu hevur til at minka um veðurlagsbroytingarnar og varðveita lívmargfeldið - við øðrum orðum: við at brúka náttúruloysnir. 

Norðurlendska ráðharraráðið hevur fíggjað fleiri verkætlanir um náttúruloysnir í Norðurlondum, og á tiltakinum verða m.a. nýggjastu granskingarúrslitini løgd fram.

Tiltakið kann stroymast á us.fo kl. 12.30.