Miðflokkurin javnstøðu – enn

Á fólkatingsvalinum fyri tveimum vikum síðani stillaði Miðflokkurin bara menn upp, men til løgtingsvalið komandi fer kanska at síggja øðrvísi út.

Enn er uppstillingin ikki endalig, men higartil hevur flokkurin sjey menn og seks kvinnur á listanum, so talan er um javnstøðu.

Miðflokkurin hevði eisini seks kvinnur á listanum á løgtingsvalinum í 2019, men tá vóru menninir níggju í tali.

Freistin at lata listarnar inn er úti mikudagin, og flokkurin væntar at fáa fleiri fólk á listan til ta tíð.

Miðflokkurin hevði landsfund á Svangaskarði í gjárkvøldið, og tá var eisini uppstillingarfundur.