Vandi fyri jólaferðsluni hjá Air Greenland

Grønlendska flogfelagið, Air Greenland, hevur nú fingið fyrru ávaring um verkfall frá felagnum hjá flogtænastufólkunum, FPU.

Sáttmálin teirra millum fór úr gildi fyri nærum einum ári síðani, tann 31. desember í fjør, og síðani hava partarnir samráðst.

Í Grønlandi verður nú tosað um, at støðan kann hava við sær, at stóra jólaferðslan verður rakt.

Sermitsiaq skrivar, at ávarast skal um verkfall tvær ferðir, og eftir seinnu ávaring skulu ganga sjey dagar, áðrenn flogtænastufólkini kunnu fara í verkfall.