Veðurlagsbroytingar: Brúk fyri 20.000 milliardum

Fátøk lond kring heimin hava tørv á 20.000 milliardum kr., um tey skulu standa seg ímóti stóru broytingunum á veðurlagsøkinum, vísir ein nýggj frágreiðing, sum AFP og NTB  almannakunngera.

Kina er ikki við í frágreiðingini, sum Bretland og Egyptaland bóðu um upp undir veðurlagsráðstevnuna í Egyptalandi.

Pengarnir skulu nýtast til at verja londini fyri stóru broytingunum, sum veðurlagsbroytingarnar hava við sær, og londini hava tørv á pengunum fyri 2030, stendur í frágreiðingini.

Helvtin frá ríkum londum og íleggjarum

Serfrøðingar siga, at 10.000 milliardir kr. mugu koma frá ríkum londum, ríkum fyritøkum og frá íleggjarum.

Restin, einar 14.000 milliardir kr., mugu koma frá privatum og almennum grunnum í ríku londunum.

Í løtuni eru íløgurnar á veðurlagsøkinum umleið 5.000 milliardir kr. um árið, minni enn ein fjórðapart av tí sum krevst, skriva miðlarnir.