Færri gistu á gistingarhúsi í oktober

Færri gistu á gistingarhúsunum í oktober enn somu tíð í fjør, vísa tøl frá Hagstovuni.

Í oktober vóru tilsamans umleið 15.330 gistinætur á gistingarhúsunum, 1200 færri enn somu tíð í fjør.

Gistinætur telja, hvussu nógvir og hvussu leingi persónar gista á gistingarhúsum.

Tá koronufarsóttin var, vóru ferðafólkini færri, og føroyingar áttu meginpartin av gistingunum.

Í oktober áttu danir 40 prosent av gistináttunum, og útlendsk ferðafólk úr øðrum londum enn Danmark áttu 33 prosent. Føroyingar áttu eisini ein triðing av gistináttunum.

Hetta er sama býti sum í oktober í fjør. 

Nógv tey flestu gista á gistingarhúsum í Havn, ella 93 prosent.