Afghanistan: Kúgar kvinnur

- At talibanstýrið í Afghanistan skerjir frælsi og rættindi hjá kvinnum og gentum, kann teljast millum brotstverk ímóti mannaættini.

Tað sigur serligi frágreiðarin hjá ST fyri mannarættindum í Afghanistan, Richard Bennett.

Kvinnur verða millum annað forðaðar í at ferðast, uttan at eitt skyldfólk, ið skal vera maður, er við, og eisini skulu tær fjala seg við burka ella hijab, um tær fara heimanifrá.

Somuleiðis kunnu tær hvørki venja ella svimja alment, og skúlar fyri tannáringagentur eru stongdir.

- At avmarka kvinnur til bert at kunna vera heima er tað sama sum at halda tær sum fangar, sigur Richard Bennett.