Gevst nú sum flogterna

Gevst nú sum flogterna
Bergtóra Nielsen hevur verið flogterna hjá Atlantsflogi, síðani felagið byrjaði
Bergtóra Nielsen fekk heiðursmóttøku á flogvøllinum í dag.
 
28.11.2022 - 15:24

Seinnapartin var skipað fyri hátíðarhaldi á flogvøllinum í Vágum, nú Bergtóra Nielsen gevst sum flogterna.

Hon hevur verið flogterna hjá Atlantic Airways øll árini, síðani felagið byrjaði í 1988, og hon kom saman við Hans Hansen, flogskipara, at vera ímyndin av okkara tjóðarflogfelagi.

Flogfelagið byrjaði við einum flogfari, av slagnum BAE 146, men Atlantsflog mentist skjótt, og eitt skifti hevði felagið sjey flogfør av hesum slagnum í senn, harav nøkur vóru leigað til nógva virksemið.

 

Bergtóra var eisini við fyrsta túrin við nýggja Airbus-flogfarinum úr Fraklandi til Føroya stutt fyri jól í 2016.

 

Síðani 2012 hevur Atlantsflog havt nýggj flogfør av slagnum Airbus, og øll hesi árini hevur Bergtóra borðreitt fyri ferðafólkunum.

Hon var eisini leiðari hjá flogternunum í fleiri ár.

 

Bergtóra Nielsen hevur verið ímyndin av Atlantsflogi øll árini. 

 

Tí var tað ikki meira enn rímiligt, at vatnportur var gjørt á flogvøllinum seinnapartin til heiðurs fyri Bergtóru Nielsen, tá flogfarið kom úr Keflavík.

Hetta var seinasti túrur hjá Bergtóru Nielsen sum flogterna.  

 

Sí myndir her:

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

 

 

 

Er kopiera
Nýggjastu sendingar í ÚV
Mánadag 19. mai
"Her er einki annað ljóð."
191893
Mánadag 19. mai
Morgunlestur mánadagur 19.mai 2025
192051
Mánadag 19. mai
Góðan morgun Føroyar
192041
Nýggjastu sendingar í SV
Sunnudag 18. mai
Andakt
192017
Sunnudag 18. mai
Guðstænasta úr Leirvíkar kirkju
192018
Sunnudag 18. mai
FM í estetiskum fimleiki 2025
192023
Fríggjadag 16. mai
KAKUMiKS (7:7)
191925
Fríggjadag 16. mai
Guðstænasta úr Havnar kirkju
191959