Fleiri enn 800 umsóknir um oljuískoyti

Yvir 800 húsarhald hava søkt um oljuískoyti frá Almannaverkinum. 

Freistin at søkja fór í gjár.

Higartil hevur Almannaverkið viðgjørt 737 umsóknir, men av tí at fleiri umsóknir komu í gjár, er ikki greitt enn, hvussu nógvar umsóknir eru komnar. Men væntaða talið er oman fyri 800, sigur málsviðgeri í Almannaverkinum. 

Oljuískoyti er nýggj veiting til fíggjarliga sperdar familjur. 

Almannaverkið hevur higartil avgreitt yvir 300 umsóknir, og fyrstu oljuískoytini eru útgoldin. 

Oljuískoytið er 10.000 krónur.