Fiska svartkjaft í landsynning úr Føroyum

Íslendingar fiska nú svartkjaft í ein landsynning úr Føroyum, við markið millum Føroyar og Hetland.

Skipið Børkur hálaði í 14 tímar og fekk 445 tons, skrivar heimasíðan hjá reiðarínum.

Hitt skipið hjá reiðarínum, Beitir, fekk 340 tons í fyrsta tóvinum.

Onnur skip royna ikki eftir svartkjafti har á leiðini.

Børkur og Beitir kunnu hvør sær fiska 2.000 tons av svartkjafti á hesum túrinum.