Tíggju høvuðsøki í ferðavinnuætlan fyri Sunda kommunu

05.12.2022 - 08:19
AktueltPolitikkur
Tíggju høvuðsøki í ferðavinnuætlan fyri Sunda kommunu
Størsti denturin er lagdur á bygdirnar, sum flestu ferðafólkini fara til, tað eru Saksun, Gjógv og Tjørnuvík
Við Gjógv. Ferðavinnan skal kasta av sær til teirra, sum búgva á staðnum, sigur Sunda kommuna.
 

Tíggju høvuðsøki eru í ferðavinnuætlanini, sum er gjørd fyri Sunda kommunu.

Mælt verður til, at kommunan raðfestir hesi økini komandi árini. Ætlanin fevnir um árini 2022 til 2026. 

Kjarnin í ætlanini er eins og áður at tryggja góða javnvág millum teirra, sum búgva í kommunni, og teirra, sum vitja hana.

Og ferðavinnan skal kasta av sær til teirra, sum búgva á staðnum.

Størsti denturin er lagdur á bygdirnar, sum flestu ferðafólkini fara til, tað eru Saksun, Gjógv og Tjørnuvík.

 

Einfalt at seta í verk

Nøkur átøk í ferðavinnuætlanini eru einføld at seta í verk, og kunna muna her og nú, sigur Sunda kommuna. 

Onnur krevja størri fígging og meiri orku og haraftrat langtíðarsamstarv við aðrar partar. 

Umframt tilmælið um ítøkilig átøk verður mælt til, at kommunan viðger meira yvirskipaðar spurningar. 

Eitt nú, hvussu nógv ferðafólk bygdirnar tola sum frá líður, Og um mark skal setast fyri, hvussu nógvir bilar kunnu vera á vegunum ella í bygdunum í senn, hvussu stórir bussarnir kunnu vera og so framvegis.

Ferðavinnuætlanin verður nú viðgjørd í nevndunum hjá býráðnum.


 

Er kopiera
Nýggjastu sendingar í ÚV
Leygardag 4. februar
Morgunlestur leygardagur 4. februar 2023
151589
Fríggjadag 3. februar
Breddin: Ovurfiti og svenskur NATO-limaskapur
151915
Fríggjadag 3. februar
Morgunlestur fríggjadagur 3. februar 2023
151588
Hósdag 2. februar
LEITISSTEIN 31.01.2023 (Sakaris)
151878
Nýggjastu sendingar í SV
Hósdag 2. februar
Foytar greyðir (2:3)
151840
Týsdag 31. januar
Jørðin II: Oyggjar (1:6)
119181
Sunnudag 29. januar
Andakt við Peter Fleetwood
151642
Sunnudag 29. januar
Guðstænasta úr Glyvra kirkju
151640